Уақытта тиімді пайдалану үшін кітапқа қатысты бәрін осы жерге жинақтадым
Көкейде жүрген
Әр адамның талғамы әртүрлі. Оның қызығушылына қарай кітап ұсына аламын. Бірдан баса көктеп кітап ұсына салу қиын. Өйткені адамның кітапқа деген қызығушылығын сөндіріп аласыз.
Баланың кітапқа деген қызығушылығын арттыру үшін алдымен ата-ана өздері кітап оқу керек. Өзіміз баланың көзінше телефон қарамай, кітап оқуға тырыссақ, бала сол көріністі қайталай бастайды. Ол тіпті, әлі кішкентай болса да, қолына кітап ұстайды, парақтайды, суреттерін қарайды.
Кітап оқығанда зейіннің бәрі мәтінде болуы керек. Сондықтан жаныңызда тұрған гаджеттерді алып тастап, тыныш жерде оқу керек. Мазаңызды алатын, ойыңызды бөлетін заттарлы алып тастаңыз. Ыңғайлы отырып, су немесе кофе ішсеңіз болады. Зейін тұрақты болуы үшін таймер қосып, белгілі бір уақыт межесінде оқу жаттығуын жасауға болады. Сонымен қатар, мәтінді дауыстап оқуға тырысыңыз. Сол кезде зейін тұрақталуға көмектеседі
Ең алдымен баланы кітап оқуға "мәжбүрлеуге" болмайды, оны бұл процеске қызықтыру керегін түсініңіз. Бала қырсығуы немесе бас тартуы мүмкін екеніне дайын болыңыз. Баланы мәжбүрлеудің орнына кітап ашып, өзіңіз дауыстап оқып бастаңыз. Кітапты эмоциямен оқу маңызды. Сахнада ойнап тұрғандай оқыңыз: дауыс пен ым-ишараны барынша пайдаланыңыз. Кітаптағы оқиға желісіне қарай, біресе қуанышты, біресе мұңды дауыспен, біресе қатты, біресе сыбырлап оқыңыз. Бала кітаптағы оқиға сізге қатты қызық екенін көруі керек. Бала кейін сіз кітап оқып отырғанда жаныңызға отыратын болады. Бала жаныңызға отырып, кітапқа қызыға бастағанда оны оған бірден бере салып, қорқытып алмаңыз. Аз-аздан бастаңыз. Мысалы, қандай да бір кейіпкердің сөзін оған оқытып, қалғанын өзіңіз жалғастырыңыз.
